محترم حضرت حکیم صاحب السلام علیکم!آپ اور عبقری کی تمام ٹیم کو سلام پیش کرتا ہوں۔ بندہ عرصہ سے عبقری کا قاری اور عمل کرنے والا ہے۔ خاص بات جو شاید ہر قاری نہ جانتا ہوں‘ وہ یہ ہے کہ ماہنامہ عبقری میں درود شریف اور اس کے فائدے درج ہیں یہ بات کوئی معمولی نہیں‘ اللہ تعالیٰ آپ سب کو عبقری کے خاکروب سے لیکر ایڈیٹر تک کوسکون خوشیاں‘ راحتیں عطا فرمائے۔
امراض معدہ کے چند نسخے حاضر ہیں
(1)سب سے بہترین بات کم کھانا صبح و شام کھانا بھوک رکھ کر کھانا ہے۔ صبح و شام پیٹ بھر کر کھانا، فاسٹ فوڈ، سوڈے کی بوتلیں پینے سے پیٹ بڑا ہوجاتا ہے۔ پیٹ بڑھ جائے تو انسان بے شمار امراض کا شکار ہوجاتا ہے‘ خاص طور پر مرد حضرات کو ازدواجی زندگی میں مشکلات کا سامنا کرنا پڑتا ہے‘ چلنا پھرنا مشکل خود سے آواز ہو جاتا ہے بہرحال میٹھا سوڈا 50گرام، ست پودنیہ ایک گرام اچھی طرح کھرل کر کے 50خوراک تیار کرلیں یا ½چھوٹی چمچ کھانے کے ایک گھنٹہ بعد ہمراہ پانی صبح و شام دوپہر ہوسکے تو پھل کھائیں۔(2)میٹھا سوڈا 50گرام ، نمک سیاہ 20گرام، مرچ سیاہ 10گرام باریک کرکے رکھ لیں۔ ½گرام کھانے کے ایک گھنٹہ بعد ہمراہ پانی لیں کھانا ہضم، قبض ختم ہو جائے گی اور بڑھا پیٹ ختم۔ (3)میٹھا سوڈا 50گرام، نمک 20گرام، مرچ سیاہ، سونٹھ، نوشادر ہر ایک 10 گرام باریک کرلیں‘ کھانے کے ایک گھنٹہ بعد ہمراہ پانی اور نیم گرم پانی سے کھائیں تو قبض کُشا، تھکاوٹ ختم، بخار ختم۔ (4)مرچ سیاہ، سونٹھ، نوشادر برابر وزن کرکے ایک گرام کھانے کے ایک گھنٹہ بعد ہمراہ پانی استعمال کریں۔
(5)سونٹھ 10گرام، مرچ سیاہ10گرام، نوشادر 10گرام، نمک سیاہ 10گرام تمام برابر وزن چینی40گرام لے کر پیس لیں ½چمچ کھانے کے ایک گھنٹہ بعد ہمراہ پانی استعمال کریں۔ (6)سونٹھ 10گرام، مرچ سیاہ 10 گرام، نوشادر10گرام، میٹھا سوڈا 10گرام، سناء مکی 40 گرام باریک کرلیں خوراک½چمچ صبح و شام کھانے کے ایک گھنٹہ بعد ہمراہ پانی استعمال کریں۔ قبض کشا، ہاضم، رنگ سفید کرتا ہے۔ (7)کلونجی، اجوائن دیسی، نمک سیاہ باریک کرلیں ½چمچ کھانے کے ایک گھنٹہ بعد ہمراہ پانی یا گرم پانی سے کھائیں۔ جسم گرم، گیس ختم، رنگ سرخ، آنکھوں کے حلقے ان شاء اللہ ختم۔ (8)اجوائن دیسی، پودینہ، گندھک، آملہ کوٹ کر میٹھا سوڈا برابر وزن باریک کرکے ½چمچ ہمراہ پانی کھا کے ایک گھنٹہ بعد بخار ختم، گیس، قبض، تھکاوٹ ختم ہو جاتی ہے۔ (9)سونٹھ،سناء مکی، نمک سیاہ، ہلیلہ سیاہ برابر وزن 10گرام کھانے کے ایک گھنٹہ بعد کھانے سے فوری ہضم، قبض، پیٹ درد فوری ختم۔ (10)چھوٹی الائچی، سونٹھ، نوشادر، میٹھا سوڈا برابر وزن ½گرام ہمراہ پانی لیں۔ دافع تیزابیت، ہاضم، بھوک کی کمی ختم، طبیعت ہشاش بشاش۔ (محمد یوسف، کامونکی)